فرص عمل حقيقية محترمة فى بسيون …يللا يا شباب

مطلوب سائقين بيك اب و جامبو و مندوبين بيع بشركة تعمل فى مجال الاغذية الخفيفة بسكويت و خلافه

اولا يا اصدقائى دا مش اعلان و لا ترويج لكن المشكلة فعلا ان اصحاب المصنع عملوا الدعاية و علقوا لافتات فى انحاء المدينة و فعلا اتقدم ناس لكن العدد قليل و مع ان الرواتب محترمه الا انه رغم مرور شهر لازال فيه اعداد مطلوبة.

صديق لى شغال فى المبيعات فى المصنع صرح و قال ان الشركة  وضعها كويس جدا و مستقبلها واعد و محتاجه شباب طموح و كمان الشغل مش صعب لكن عاوز شباب عنده روح و اخلاص و ان المرتبات حقيقى معقولة جدا يعنى اساسى المرتب كويس حوالى من 450ج الى 600 ج و دا غير العمولات الللى ممكن توصل ل 750 فى المتوسط او اجمالى الدخل على الاقل 1100 ج

طيب هو فيه ايه ؟ ما لكم يا شباب بسيون؟

اتحركوا و انزلوا الشغل و حاولوا تبقوا عمليين اكتر

ملعون ابو وظيفة البترول اللى مدوخاكوا و فى الاخر تدفعوا 30000 ج عشان مرتب 500 ج دا غير المواصلات و سيدى ثبتنى

يللا يا جدع انت و هو قوموا روحوا شوفوف الموضوع و ما تنسوناش من الدعوة الصالحه