فتحى الحفناوى …. اشرف رجال بسيون …….افراج

اضافة : تم يوم الاثنين الافراج عن فتحى الحفناوى بتاريخ 9/6/2008 الف مبروك الافراج و وصل الى منزلة و سط فرحة غامرة فى تمام الساعة الثانية و النصف ظهرا.

 

صدر امس قرار نيابة امن الدولة العليا بالافراج عن البطل فتحى عبد الرؤوف الحفناوى …اشرف رجال بسيون … و العضو القيادى بحركة كفاية.

نسأل الله ان يعجل بسرعة تنفيذ القرار …اتأكدنا من القرار عن طريق القيادية د/كريمة الحفناوى و القيادى الدكتور عبدالحليم قنديل , و قالوا ان حركة كفاية و نشطاء سياسيون سيستمرون فى الضغط من اجل تنفيذ قرارات الافراج عن فتحى الحفناوى و د/سامى فرنسيس ، و سيكون هناك يوم الاثنين تجمع لكوكبة من كبار النشطاء السياسيون و شخصيات عامة للمطالبة بالفراج عن المعتقلين .

و كان فتحى الحفناوى قد انهى اضرابه عن الطعام الذى استمر عشرة ايام بوم امس الاول ، بعد ان نفذوا له طلبه بعرضه على مستشفى المنيل الجامعى لعمل تحاليل طبية لاجراء عملية لوكيما فى عينه (نسأل الله له بالشفاء العاجل)

عجل الله بفك اسره و فك اسرى الاحرار فى سجون الوطن و فك اسرى فلسطين و لبنان و جونتانامو و كل مكان آمييييييييييييييييييييين

اذا وسد الامر لغير اهله ….عضوين مجلس محلى على موتسيكل بدون لوح

عجائب الدنيا سبعة …………. اما انت يا بسيون فعجائبك لا تنتهى……… لله الامر

لم اصدق عينى حينما ابصرت عضو مجلس محلى يقود دراجة بخارية بدون لوحات معدنية و طبعا بدون رخص …… و يركب وراءه على الدراجة البخارية عضو كبير ………….. صورة عجيبة ، لحظتها تمنيت ان يكون عندى كاميرا لكى اصورهم بيها علشان الخبر يكون موثق ، العضوين اسمائهم عندنا سر و ربنا يستر علينا و عليهم.

يعنى لما احب اكلم مصر اكلم مين ؟……………….(كلمة رسول هولاكو الى اهل مصر)

يعنى ازاى نعيب على الناس و الشباب الصغير ؟ لما يركبوا من غير نمر ، و اعضاء المجلس المحلى اللى هم المفروض يكونوا قدوة راكبين موتسيكلات من غير نمر لأ و ايه اتنين على موتسيكل واحد؟

هى البلد ما شية ازاى ؟و راكبة ايه ؟و رايحه فين؟ …. بسيون يا بلد العجايب … القلب فيكى دايب ..

 

لكن عامة مش مشكلة ، بكرة ربنا يبعت لنا رزق و اول حاجه اشترى كاميرا او ام بى فايف و هاظبط اى غلطة فى البلد .

يعنى كنا نعيب على الناس اللى تأجر الموتسيكلات بدون لوحات معدنيه دلوقتى العملية رسمى و القدوة رجال الحكم المحلى و رجال الحزب الوطنى العظام .

و شاطرين يمنعوا المعارضة و المستقلين و الاخوان من دخول الانتخابات

يحيا المجلس المملح لانه مش محلى و لا فيه ريحة الحلاوة

طظ فى اعضاء المجلس اللى راكبين موتسيكلات بدون نمر (يعنى دى مش زى طز بتاعة مرشد الاخوان) و ابقوا حاكمونى انا كمان على الطز دى.